შეზღუდვებიდან გამოსვლის პოლიტიკა - შვეიცარია!

ეკონომიკური პოლიტიკის კვლევის ცენტრის ანგარიში
შეზღუდვებიდან გამოსვლის პოლიტიკა - შვეიცარია!
ფოტო: Entrepreneur Georgia

Grow Your Business, Not Your Inbox

Stay informed and join our daily newsletter now!
1 min read

You're reading Entrepreneur Georgia, an international franchise of Entrepreneur Media.

შვეიცარიაში ახალი კორონავირუსის პირველი შემთხვევა 25 თებერვალს დაფიქსირდა. ვირუსის გავრცელებამ პიკს მარტის თვეში მიაღწია. შვეიცარიის მთავრობამ პრევენციული, შეზღუდვების პოლიტიკის გატარება თებერვალშივე დაიწყო, თუმცა გატარებული პოლიტიკა არაეფექტური გამოდგა და მარტში მისი გამკაცრება გახდა საჭირო. მარტის შუა რიცხვებიდან ფედერალურმა საბჭომ მიიღო გადაწყვეტილება სასწავლო დაწესებულებების, მაღაზიების, ბარებისა და თავშეყრის სხვა ადგილების დახურვის შესახებ. 20 მარტს შეზღუდვები კიდევ უფრო გამკაცრდა და ხუთ ადამიანზე მეტის შეკრება აიკრძალა. ინფიცირებულთა დიდი რაოდენობის მიუხედავად, ფედერალურმა საბჭომ თავი შეიკავა საყოველთაო კარანტინის გამოცხადებისაგან. მეტიც − ეკონომიკური სექტორების ნაწილმა საქმიანობა შეზღუდვების გარეშე გააგრძელა. 27 აპრილიდან მცირე, პერსონალური სერვისის მიმწოდებელ ბიზნესს ეკონომიკური აქტივობის აღდგენის საშუალება მიეცემა (თმის, ტატუირებისა და კოსმეტიკური სალონები). შეზღუდვები შეუმსუბუქდება სამედიცინო დაწესებულებებსაც, რომელთა მესვეურებიც შეძლებენ განაახლონ არასასწრაფო და გეგმიური საქმიანობანი. იგეგმება სამშენებლო მასალებისა და ყვავილების მაღაზიების გახსნაც. პარალელურად, საცალო, არააუცილებელი პროდუქციის მაღაზიებიც განაახლებს ეკონომიკურ საქმიანობას. თუ მოვლენები გეგმის მიხედვით განვითარდა, 11 მაისიდან შვეიცარიის სკოლები სავალდებულო საგანმანათლებლო საქმიანობას განაახლებს. ასევე, სრულად გაიხსნება სავაჭრო მაღაზიები და ბაზრები. ფედერალური საბჭო დეტალურ გადაწყვეტილებას მეორე ფაზის შესახებ 29 აპრილს მიიღებს.

Latest on Entrepreneur