You can be on Entrepreneur’s cover!

8 მიზეზი, თუ რატომ უნდა მივცეთ მეტი თავისუფლება ჩვენი გუნდის წევრებს თანამშრომლებს არ სურთ გამუდმებით ეუბნებოდნენ, რა უნდა გააკეთონ. სტატიაში გაეცნობით რამდენიმე მიზეზს, თუ რატომ უნდა მისცეთ მათ მეტი თავისუფლება

By Steve Taplin

Opinions expressed by Entrepreneur contributors are their own.

You're reading Entrepreneur Georgia, an international franchise of Entrepreneur Media.

თუ დამსაქმებელი ხართ, შესაძლოა ფიქრობდეთ, რომ მიზნის მისაღწევად და თქვენი ბიზნესის გასავითარებლად საუკეთესო გზა თანამშრომლებისთვის მკაფიო მითითებების მიცემაა. მართალია, გარკვეული სტრუქტურა და ხელმძღვანელობა აუცილებელია, მაგრამ თუ თქვენს თანამშრომლებს გამუდმებით მისცემთ მითითებებს, რა გააკეთონ, შესაძლოა აუნაზღაურებელი ზიანი მიაყენოთ ორგანიზაციას. თანამშრომლებს სურთ, მათ ენდოთ. თუ მიუთითებთ, რა უნდა გააკეთონ, იმის ნაცვლად, რომ მათ გადაწყვეტილებებს ენდოთ, ისინი შეიძლება უკმაყოფილონი დარჩნენ თავიანთი სამუშაოთი.

სტატიაში საუბარია მიზეზებზე, თუ რატომ უნდა მისცეთ თანამშრომლებს მეტი თავისუფლება და გადაწყვეტილების მიღების შესაძლებლობა:

1. თანამშრომლებს სძულთ მიკრომართვა

თუკი დავალებებისა და პროექტების დელეგირებისას თანამშრომლებს განუწყვეტლივ ეუბნებით ყველაფერს, რაც უნდა გააკეთონ, მათ არ აქვთ შეგრძნება, რომ რაიმე ფასეული წვლილი შეაქვთ თავიანთ კომპანიაში ან რაიმე სახის გავლენას ახდენენ მასზე. ამის გამო შესაძლოა ინტერესი დაკარგონ და დაუფასებლობის შეგრძნება ჰქონდეთ. შედეგად, შესაძლოა, თქვენი კომპანია დატოვონ და სხვა მოძებნონ, სადაც მეტი თავისუფლება ექნებათ.

თუ ერთგული თანამშრომლები გსურთ, რომლებიც თავიანთ სამუშაოზე ზრუნავენ და გრძნობენ, რომ მნიშვნელოვანი წვლილი შეაქვთ მასში, საკმარისად უნდა ენდოთ მათ, დამოუკიდებლად შეასრულონ თავიანთი სამუშაო.

2. თანამშრომლებს სურთ, მათ ენდობოდეთ

თანამშრომელთათვის მნიშვნელოვანია იცოდნენ, რომ შესაძლოა შეცდომები დაუშვან, მაგრამ ამისთვის არავინ დასჯით. თუ თქვენი თანამშრომლების წვლილს აფასებთ და მათ ნებას რთავთ, საკუთარი იდეები წამოაყენონ, ისინი გუნდის წევრებად იგრძნობენ თავს და იმაშიც დარწმუნდებიან, რომ მათ უსმენთ. ეს გუნდის წევრებს მოტივაციას შეუნარჩუნებს სამსახურში და უფრო სასიამოვნოს გახდის სამუშაოს ნებისმიერი თანამშრომლისთვის, ვინც მასში იღებს მონაწილეობას.

3. თანამშრომლებს სურთ იცოდნენ, რომ მათი აზრი მნიშვნელოვანია

მნიშვნელოვანია აღინიშნოს − თანამშრომლებს სურთ იგრძნონ, რომ თავიანთი წვლილი შეაქვთ საქმეში და მათი აზრი მნიშვნელოვანია. არაფერია იმაზე უარესი, როდესაც გამუდმებით გეუბნებიან, რა უნდა გააკეთოთ − ასეთ დროს გიჩნდებათ შეგრძნება, რომ თქვენი არ ესმით. თანამშრომლების მოტივაციისთვის საჭიროა, ცოდნის, უნარებისა და შესაძლებლობების გამო დააფასოთ.

4. თანამშრომლებს სურთ, ჯერ თვითონ სცადონ რაღაცის გაკეთება

თქვენს თანამშრომლებს სურთ დამოუკიდებლად ისწავლონ, ან, სულ მცირე, შესაძლებლობა ჰქონდეთ, თავიდან თვითონ სცადონ რაიმე სამუშაოს შესრულება. როგორც Gartner-მა აღნიშნა, ადამიანებს მაშინ აქვთ მოტივაცია, როდესაც გრძნობენ, რომ გავლენას ახდენენ სამუშაოზე და მათ აფასებენ. ყველაზე პროდუქტიულ თანამშრომლებს მიკრომართვის დრო არ აქვთ. ისინი მეტისმეტად დაკავებულნი არიან, ელვის სისწრაფით ასრულებენ სამუშაოებს, მათ ნაწილებად შლიან, პრობლემების შემოქმედებითად მოგვარების გზებზე ფიქრობენ.

ბუნებრივია, მათაც იპოვით, რომლებიც არასოდეს შეიცვლებიან: ადამიანებს, რომლებსაც არაფრად მიაჩნიათ სამსახურში ყოველ დილით 15 წუთით დაგვიანება, შეხვედრების გამოტოვება და ადრე გასვლა, ისე, რომ არავის არაფერს უხსნიან. ამ ადამიანებს მუდმივად სჭირდებათ შეხსენება, რა მოვალეობები ეკისრებათ.

5. თანამშრომლებს სურთ, შეკითხვების დასმშეეძლოთ

თანამშრომლებმა უნდა იცოდნენ, რომ მათი შეკითხვები მნიშვნელოვანია და თუ განმარტებას ან ინფორმაციას მოითხოვენ, თავს არ იგრძნობენ შეურაცხყოფილად. თუ მათ არ აგრძნობინებთ, რომ შეკითხვები მისასალმებელია, ისინი შეწყვეტენ შეკითხვების დასმას და იმას გააკეთებენ, რასაც თქვენ ეუბნებით, თუმცა, ვერ გაიგებენ, რატომ.

6. თანამშრომლებს სურთ იცოდნენ, რომ მათი მოწინააღმდეგე კი არ ხართ, არამედ მათთან თანამშრომლობთ

თანამშრომლებს სურთ ისეთი ატმოსფერო, სადაც კოლეგებთან თანამშრომლობას შეძლებენ. ეს შეიძლება საკმაოდ მარტივი იყოს, თუნდაც თქვენი გუნდის წევრებს გამოუცხადოთ, რომ მათ წვლილს აფასებთ. როდესაც თანამშრომლები კომპანიის ნაწილად გრძნობენ თავს, ისინი სავარაუდოდ უფრო მეტად იამაყებენ საკუთარი სამუშაოთი და პრობლემების გადაჭრის ინოვაციურ გზებსაც მოიძიებენ.

Gallup-ის ერთ-ერთმა კვლევამ აჩვენა, რომ თანამშრომლები, რომლებიც მთლიანად იყვნენ სამუშაოში ჩართულნი, უფრო პროდუქტიული იყვნენ. კიდევ ერთმა კვლევამ აჩვენა, რომ როდესაც მენეჯერები თანამშრომლებს მათი მიღწევების გამო აღიარებენ, ეს ორ მხარეს შორის ნდობაზე მიუთითებს.

7. თანამშრომლებს ნათელი წარმოდგენა უნდა ჰქონდეთ იმის შესახებ, თუ რას მიიჩნევენ წარმატებად კომპანიაში

თქვენი თანამშრომლები მხოლოდ იმ შემთხვევაში გაარკვევენ თვითონ, თუ როგორ უნდა მიაღწიონ მიზანს, როდესაც ნათლად აუხსნით, რა არის ამ კონკრეტულ შემთხვევაში წარმატება. თუ გსურთ, ისინი შედეგით იყვნენ მოტივირებულნი, უბრალოდ კი არ მიუთითოთ, რა გააკეთონ, წარმოდგენა შეუქმენით იმის შესახებ, რას იგრძნობენ, თუ მას მიაღწევენ.

ეს მათ რთულ დროს მოტივაციის შენარჩუნებაში დაეხმარება და ამასთან, ე.წ. პროფესიულ გადაწვასაც აიცილებენ თავიდან. თქვენ იმ ადამიანების მაგალითებიც უნდა მოუყვანოთ, რომლებმაც ანალოგიურ მიზნებს წარმატებით მიაღწიეს, რათა თანამშრომლებმა გაიგონ, რას მოელით მათგან და როგორ შეძლებენ იმავე შედეგების მიღწევას.

8. თანამშრომლებს ინფორმაცია უნდა ჰქონდეთ საქმიანობის შესახებ

თანამშრომლებს აუცილებლად უნდა ჰქონდეთ ინფორმაცია, რომელიც სამუშაოს შესასრულებლად სჭირდებათ, მათ შორის, კონკრეტული პროექტის ვადების შესახებაც. თუ თქვენი თანამშრომლები ინსტრუქციებს მიიღებენ სამუშაოს თაობაზე, რომელიც მათი პროექტების დასასრულებლადაა საჭირო, მათ ეცოდინებათ, რამდენი დრო და ძალისხმევა დასჭირდება ამა თუ იმ ამოცანის შესრულებას.

თანამშრომლებმა ისიც უნდა იცოდნენ, რატომ ასრულებენ ამა თუ იმ სამუშაოს − ეს დაეხმარება მათ გააცნობიერონ, რა სახის გავლენას ახდენს მათი ქმედებები მომხმარებლებზე, ან საერთოდ, თქვენს ბიზნესზე. მეორე მხრივ, თანამშრომლებს მხოლოდ ზოგჯერ შეუძლიათ იმის დანახვა, რა გავლენას ახდენს მათი ნაბიჯები კომპანიის სხვა განყოფილებებზე ან ქვეგანყოფილებებზე. თუ მათ სწორ ინფორმაციას მიაწვდით, შესაძლოა ის შთაგონების წყარო გახდეს მათთვის და მათი როლის შესაბამისად, მკაფიო მიზანი დაუსახოს სამსახურში.

თქვენს თანამშრომლებს სურთ, რომ ენდოთ მათ. საიდუმლო არ არის − თუ ისინი გრძნობენ, რომ ენდობით, უფრო კმაყოფილები იქნებიან საკუთარი სამუშაოთი. კარგი სტრატეგია იქნებოდა მათთან ერთად კვირაში ან თვეში ერთხელ შემოწმების ჩატარება, და არა ყველა დეტალზე გამოკიდება, რასაც ისინი აკეთებენ. თუ თქვენ მიუთითებთ, რა უნდა გააკეთონ, იმის ნაცვლად, რომ მათ გადაწყვეტილებებს ენდოთ, ისინი შესაძლოა არცთუ კმაყოფილები დარჩნენ თავიანთი სამუშაოთი. ეს იმიტომ ხდება, რომ ადამიანები უფრო მოტივირებული არიან, როდესაც გრძნობენ, რომ გარკვეული ავტონომია აქვთ და საკუთარ ცხოვრებას აკონტროლებენ.

ინდუსტრიული ტრენდები

ჯორჯ ბალანჩინი - ქართველი, რომელმაც ამერიკას ბალეტი ასწავლა

"ადრე თუ გვიან, ჩემს სპექტაკლებს დაივიწყებენ, მაგრამ ხალხს ყოველთვის ვემახსოვრები, როგორც მასწავლებელი"