You can be on Entrepreneur’s cover!

ერთგული მომხმარებელი - წარმატების მიღწევის უალტერნატივო გზა

By Matt Bertram

Opinions expressed by Entrepreneur contributors are their own.

You're reading Entrepreneur Georgia, an international franchise of Entrepreneur Media.

ერთგული მომხმარებლები შემოსავლის მნიშვნელოვანი წყაროა ნებისმიერი ბიზნესისთვის. ერთგულ მომხმარებელთა პროგრამის შესაქმნელად ამ ოთხი რჩევის გამოყენება ყველაზე მაღალ უკუგებას მოგიტანთ დაბანდებული ინვესტიციებიდან.

ერთგული მომხმარებლები ყველაზე სანუკვარი მიზანია თქვენი ინვესტიციების უკუგების გასაზრდელად. თუმცა, ბევრი ანტრეპრენერი ერთგული მომხმარებლის მოპოვებისა და შენარჩუნების ნაცვლად, მომხმარებელთა მოზიდვასა და მარკეტინგში ახორციელებს ინვესტირებას. სრულიად ნათელია, რომ ერთგული მომხმარებელი სტაბილურ შემოსავალს, გაცილებით დაბალ მარკეტინგულ ხარჯებს და უფრო ეფექტიან რეკლამასაც ნიშნავს, ახლობლებს შორის ინფორმაციის გავრცელების გზით.

ლოიალობის პროგრამის ტიპის შეთავაზებების დანერგვით, მარკეტინგული უპირატესობა გექნებათ, რომელსაც მომხმარებლის უკეთ მოზიდვა შეუძლია. თუნდაც არასრულფასოვანი პროდუქტი ან მომსახურება გქონდეთ, ერთგული მომხმარებელი და მისი ჩართულობა შეიძლება ის პატარა უპირატესობა გახდეს, რომლითაც კონკურენტებს გაასწრებთ.

მომხმარებელთა ერთგულების ეფექტიანი პროგრამის წარმატებით დასანერგად, ოთხი მნიშვნელოვანი საკითხი გამოვყავით:

1.დაადგინეთ, რა არის თქვენი მომხმარებლების მოტივატორი

სტიმულები ძლიერი ძალაა, რომელიც აგულიანებს მომხმარებელს, ინდივიდუალური ეკონომიკური გადაწყვეტილებები მიიღონ. კლიენტების პირადი მოტივებისა და იმ მიზეზების დადგენა, თუ რატომ ყიდულობენ ისინი თქვენს პროდუქტებს, მნიშვნელოვანია იმის გასარკვევად, თუ როგორ უნდა დააჯილდოოთ ისინი და წაახალისოთ განმეორებითი მოქმედებებისკენ.

თქვენი ბიზნესიდან გამომდინარე, შეიძლება რამდენიმე მთავარი სტიმული არსებობდეს, რომელიც კლიენტებს თქვენი ბრენდისკენ მიიზიდავს, მათ შორის:

  • ფინანსური სტიმულები: თქვენს ბრენდს საუკეთესო ფინანსური უპირატესობები აქვს;
  • ფსიქოლოგიური სტიმულები: თქვენს პროდუქტებს სიხარული მოაქვთ, რაც მნიშვნელოვანია თქვენი მომხმარებლების ბედნიერებისთვის;
  • სტიმულები ექსკლუზიურობისთვის: თქვენი პროდუქცია ისეთი ექსკლუზიურია, რომ მისი გამოყენებისას მომხმარებელი უნიკალურად ან ელიტურად გრძნობს თავს.

რა უბიძგებს ადამიანებს თქვენი ბრენდისკენ? ამ საკითხის დადგენა გარკვეული თვალსაზრისით იმის ცოდნას ნიშნავს, თუ რას გვთავაზობს თქვენი ბრენდი ისეთს, რასაც თქვენი კონკურენტები არ აკეთებენ.

თუმცა, მომხმარებლებისა და მათი აზროვნების შესახებ მეტის გასაგებად, შემდეგი სტრატეგიები უნდა გაითვალისწინოთ:

  • უფრო დეტალური მონაცემების შესაგროვებლად, CRM-პროგრამაში განახორციელეთ ინვესტირება;
  • დააკვირდით მომხმარებლებს სოციალურ ქსელებში იმის დასადგენად, თუ როგორ აღიქვამენ ისინი თქვენს ბრენდს ინტერნეტში;
  • საკვანძო სიტყვები გამოიკვლიეთ და დაადგინეთ, რომელ ტერმინებს იყენებენ ადამიანები პროდუქტების მოსაძებნად. მაგალითად, ფასდაკლებული ან საუკეთესო;
  • მარკეტინგული კვლევა გამოიყენეთ დემოგრაფიული მონაცემების მისაღებად;
  • კონკურენტების კვლევა ჩაატარეთ და გაეცანით, როგორ ზრუნავენ თქვენს სფეროში კონკურენტები მომხმარებელთა ლოიალობის გასაზრდელად;
  • პირდაპირი ინფორმაციის მისაღებად, მომხმარებლებს გამოხმაურება სთხოვეთ.

2.მართლაც უნიკალური ჯილდოები დააწესეთ

როგორც კი დაადგენთ, რა არის თქვენი მომხმარებლების მოტივატორი, ერთგული მომხმარებლის პროგრამის შექმნა შეგიძლიათ, რომელიც მათ დააჯილდოებს. მაგალითად, ფინანსური წახალისებით მოტივირებული მომხმარებლები სარგებელს გარიგებით "იყიდე ერთი, საჩუქრად მიიღე მეორე", და ფასდაკლებით მიიღებენ. ხოლო ექსკლუზიურობით მოტივირებული მომხმარებლები, ექსკლუზიური ბრენდირებული საჩუქრებითა და საქონლით იქნებიან წახალისებულნი.

რჩევა, რომელიც ნამდვილად არ უნდა დაივიწყოთ − ჯილდოები უნიკალური და გამორჩეული უნდა გახადოთ. მხოლოდ ბრენდირებული სტიკერებითა და კალმებით ნუ შემოიფარგლებით, მეტი გააკეთეთ: ბრენდირებული ჩანთები, მაისურები, ქუდები და სხვა ყველაფერი, რასაც საზოგადოებაში დაინახავენ ადამიანები. მე განსაკუთრებით მიყვარს ბრენდირებული ნივთები, რადგან მათ დამატებითი მარკეტინგული უპირატესობა აქვთ, რომელიც შეიძლება ტრადიციულ რეკლამაზე უფრო ეფექტიანიც კი იყოს.

ასევე, ყველაფრის გაკეთებას გირჩევდით, რაც შესაძლებელია ფინანსურ ჯილდოებთან დაკავშირებით − უფასო ყოველთვიური საცდელი ნიმუშების დარიგება იქნება ეს თუ ნივთების. თქვენ სხვა კომპანიებთანაც შეგიძლიათ მუშაობა, როგორიცაა Amazon ან საცალო მოვაჭრეები, რათა მომხმარებელს ბონუსების ქულებზე გადაყვანაში დაეხმაროთ ან წაახალისოთ, ასევე, იმ ნივთებზე შესთავაზოთ ფასდაკლება, რომლებსაც ისინი ყიდულობენ.

როგორც კი ჯილდოების ნაკრები გექნებათ, შეგიძლიათ თქვენი პროგრამა კიდევ უფრო სრულყოფილი გახადოთ, და დამატებითი აქტიურობები წაახალისოთ. იდეალურ შემთხვევაში, რაც მეტად მაღალია მომხმარებლის ჩართულობა, მით უფრო დიდია ჯილდო. კლიენტები, რომლებიც უმაღლეს საფეხურს მიაღწევენ, განსაკუთრებულად იგრძნობენ თავს, როდესაც მათ საუკეთესო ფინანსურ ჯილდოს გადასცემთ.

3.მომხმარებელთა მომსახურების ხარისხი სტაბილური გახადეთ

მომხმარებელი მაშინ იქნება კმაყოფილი, როდესაც მისი მოლოდინი რეალობის შესაბამისი იქნება. თქვენი მომხმარებლის ერთგულების პროგრამის ერთ-ერთი ძირითადი კომპონენტი თქვენი პროდუქტების, მარკეტინგისა და მომსახურების საშუალებით, მათთან პოზიტიური და თანმიმდევრული ურთიერთობის ჩამოყალიბებაზე ზრუნვა უნდა იყოს. თქვენი ყველა ტრადიციული მაღაზია და ონლაინ-აქტივი შეთანხმებულ ნიმუშსა და რეკომენდაციებს უნდა შეესაბამებოდეს ბრენდირების თაობაზე.

აუცილებელია, მრავალარხიან მომსახურებაში განახორციელოთ ინვესტიცია, რათა სტაბილური, ხარისხიანი მომსახურება შესთავაზოთ მომხმარებელს. ეს სტრატეგია შეიძლება იყოს ჩათბოტების გამოყენება თქვენს ვებგვერდზე, სოციალური მედიითა და ელექტრონული ფოსტით პასუხის გაცემა მომხმარებელთა შეკითხვებზე, ან თუნდაც, პერსონალის მხარდაჭერის ციფრული სამსახურის დანერგვა, რათა ადამიანებს პირდაპირ კლიენტების წარმომადგენლებთან შეეძლოთ დაკავშირება.

ასევე, გირჩევთ, შეთანხმებული ინფორმაცია თქვენს კლიენტებს საკუთარ გაყიდვების "ძაბრში" დაახვედროთ, რათა პირველი შთაბეჭდილება თქვენს ბრენდზე შემდეგი სტრატეგიების მეშვეობით დადებითი იყოს:

  • აქციების ან ფასდაკლებების შეთავაზება პირველი შესყიდვებისას;
  • მადლობის წერილების და/ან ტექსტების გაგზავნა შეძენისას;
  • ელ.წერილის გაგზავნა გამოკითხვებისთვის და მადლობის კიდევ ერთხელ გამოცხადება;
  • ნებისმიერი შეკითხვაზე სატელეფონო მხარდაჭერის შეთავაზება;
  • დამატებითი ონლაინმომსახურება კონსულტაციებით, სახელმძღვანელოებით ან გამოხმაურების უშუალოდ გასაგზავნად.

დაბოლოს, გაითვალისწინეთ, რომ კლიენტთა მომსახურების გასაოცარი სერვისი უნდა შექმნათ, მრავალარხიანი მხარდაჭერით და ინვესტირებით ხელოვნურ ინტელექტში, რომელიც ავტომატიზებულ პასუხებს იძლევა.

ამასთან, მომხმარებელთა მომსახურების სამსახური შესაბამისი პერსონალის დაქირავებით და სწორი პროცედურების დანერგვითაც იწყება. სათანადოდ მოამზადეთ პერსონალი, რათა მათ აქტიურად მოუსმინონ მომხმარებელს და გულისხმიერება გამოიჩინონ ადამიანების მიმართ. ასე დაამყარებენ ისინი ურთიერთობას მომხმარებელთან და ისეთ მომსახურებას შესთავაზებენ, რომლებიც მათ პრობლემებს გონივრულად გადაჭრის.

გაითვალისწინეთ, მომხმარებელთა მომსახურების ცუდი ხარისხი ბრენდებს თავიანთი შეცდომების გამოსწორების შესაძლებლობას სთავაზობს, რაც ხშირად გაცილებით დადებით განწყობას იწვევს, ვიდრე მაშინ, როდესაც მომხმარებელს საკმაოდ ნორმალური გამოცდილება აქვს.

საზოგადოების შექმნა რომ შეძლოთ, ტრადიციული ურთიერთობების ჩარჩოებიდან უნდა გამოხვიდეთ. ახალგაზრდა თაობები დღეს ხშირად იმ ბრენდებისგან ყიდულობენ ნივთებს, რომლებიც მათ სოციალურ ფასეულობებს შეესაბამება.

Sprout Social-ის გამოკითხვამ აჩვენა, რომ მომხმარებელთა 70%-ს აუცილებლობად მიაჩნია, ბრენდებს საკუთარი პოზიცია ჰქონდეთ სოციალურ და პოლიტიკურ საკითხებზე. აქ მთავარი აქტივის სახით თქვენი საზოგადოების ღირებულებებისა და ინკლუზიურობის გამოყენება შეგიძლიათ, რათა მომხმარებელი უფრო აქტიური იყოს.

მაგალითად, რამდენიმე სტრატეგია არსებობს, თქვენი კლიენტები უფრო ერთგულნი გახადოთ, მათ შორის:

  • პოლიტიკური/სოციალური გზავნილების ჩართვა თქვენს რეკლამაში;
  • ქველმოქმედება;
  • მნიშვნელოვანი მიზეზების გამო ფინანსების შეგროვების ორგანიზება;
  • ბრენდის ექსკლუზიური ღონისძიებებისა და წვეულებების მასპინძლობა, რომლებზეც მომხმარებლებს ერთგულებისთვის დააჯილდოებენ;
  • მომხმარებლების წახალისება, რათა მათ სარეკლამო აქციებისთვის წარადგინონ ინფორმაცია.

ზოგჯერ შესაძლოა ისეც მოხდეს, რომ თქვენმა პროდუქტებმა და ქმედებებმა თვითონ ისაუბრონ საკუთარ თავზე. მაგალითად, ერთ-ერთი ციფრული მარკეტინგის კომპანია გახდა პირველი, რომელმაც ფეხბურთის ეროვნული ლიგის ბილეთები ბიტკოინით შეიძინა, რაც მას სტაბილური ურთიერთობების დამყარებაში დაეხმარა სპორტის მოყვარულებთან და ტექნოლოგიურ ენთუზიასტებთან მომხმარებელთა ბაზიდან.

ნებისმიერი ახალი ბიზნესისთვის გირჩევთ ბევრი საუკეთესო მეთოდის დანერგვას, ბრენდის ერთგულების სტიმულირებისთვის, რაც საკმაოდ ბევრი მოსაზრებითაა გამართლებული.

როგორც კი დაადგენთ, თუ რა არის თქვენი მომხმარებლების მოტივატორი და სათანადო ინფრასტრუქტურასაც შექმნით, ბრენდისადმი ერთგული მომხმარებლების მოსაპოვებლად თქვენი დაპირებები უნდა შეასრულოთ და იქ იყოთ, როდესაც მათ ყველაზე მეტად სჭირდებით.

Business News

ჯანსაღი კვების რაციონი ნუცა სურგულაძის "ბალანსთან" ერთად

"ბალანსი" მომხმარებელს სთავაზობს კვების სერვისს, რომელშიც თითოეული კერძი სპეციალურადაა შერჩეული

Business News

პროფესია, რომლითაც გლობალურ საერთაშორისო გამოწვევებში ჩაერთვები

ევროპის და ამერიკის უნივერსიტეტების წარმომადგენლები თბილისში, დაინტერესებულ ახალგაზრდებთან შესახვედრად ჩამოდიან