Influence Georgia-მ გლობალურ სტარტაპ ფონდთან ხელშეკრულება გააფორმა

პროექტის ბიუჯეტის 50% დაფინანსდება GITA-ს გრანტით, ხოლო 50 %-ს გლობალური სტარტაპ ფონდის უცხოელი ინვესტორი განახორციელებს
Influence Georgia-მ გლობალურ სტარტაპ ფონდთან ხელშეკრულება გააფორმა
ფოტო: GITA
2 min read

You're reading Entrepreneur Georgia, an international franchise of Entrepreneur Media.

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს 650 000 - ლარიანი საგრანტო პროგრამის მე-2 რაუნდში გამარჯვებულმა კომპანიამ შპს ,,ინფლუენს ჯორჯიამ“ გლობალური სტარტაპ ფონდის ებრაელ ინვესტორთან,  დავიდ ზერასთან საინვესტიციო ხელშეკრულება გააფორმა. გამარჯვებული პროექტის ბიუჯეტის 50%  დაფინანსდება GITA-ს გრანტით, ხოლო  50 %-ს გლობალური სტარტაპ ფონდის უცხოელი ინვესტორი განახორციელებს.

დავიდ ზერას მენეჯმენტში მუშაობის 25 წლიანი გამოცდილება აქვს, არის სტარტაპ Screenz-ის ერთ-ერთი შემქმნელი, მენტორი და მრჩეველი. Screenz-ი  ქმნის ციფრულ პლატფორმას 30-ზე მეტი მაუწყებლისთვის და საპროდიუსერო კომპანიისთვის. კომპანიის მომხარებლებს შორისაა, ისეთი შოუები როგორიცაა „Big Brother“,  „Master Chef“,  „101 Ways to Leave a Game Show“,  „The Million Pound Drop“, „Hell’s Kitchen“,  „The Taste“ და „Rising Star“.  Screenz სტრატეგიული პარტნიორები არიან Google, ICM და Red Arrow. (https://scrnz.com/). დავიდ ზერა ასევე მუშაობს ისეთ მსხვილ სტარტაპებთან, როგორებიცაა PAYLIX, Interatech, Monday.com

საგრანტო კონკურსში გამარჯებული პროექტი ,,ინფლუენს ჯორჯია“ ითვალისწინებს სრულად ავტომატიზებული ინფლუენს მარკეტინგ პლატფორმის განვითარებას. პროექტის მიზანია კომპანიის პროდუქტი გახდეს მსოფლიოში ნომერ პირველი ინფლუენს მარკეტინგის პლატფორმა, რომელიც ორ ძირითად მიმართულებას მოიცავს - ელექტრონული კომერცია და  მოგზაურობა. 

გაიგეთ მეტი გლობალური სტარტაპ ფონდის პირველ გარიგებაზე საქართველოში

საქართველოს ინოვაციების და ტექნოლოგიების სააგენტომ 650 000 - ლარიანი საგრანტო პროგრამა, მსოფლიო ბანკის ფინანსური მხარდაჭერით, 2019 წლის 22 მაისს დაიწყო. პროგრამის მიზანია, მოახდინოს ინოვაციების, ინოვაციური საწარმოების შექმნის სტიმულირება და ჩართვა ქვეყნის ეკონომიკაში. პროგრამის მეშვეობით ქართული მიკრო, მცირე და საშუალო საწარმოები, რომელთაც გააჩნიათ პოტენციალი საკუთარი ინოვაცია განავითარონ და წარადგინონ მსოფლიოს დონეზე, მოახდენენ ინოვაციური პროდუქტის პოზიციონირებას გლობალურ ბაზარზე. პროგრამის ფარგლებში ფინანსდება გლობალური პოტენციალის მქონე პროდუქტი - ტექნოლოგიური ან ბიზნეს-პროცესული ინოვაცია, რომელიც ნათლად ასოცირებული იქნება საქართველოსთან.  პროექტის ხანგრძლივობა შეადგენს 18 თვეს და საერთო ბიუჯეტი 1 298 200 ლარია.

გლობალური სტარტაპ ფონდი სი­ლი­კონ ველი თბი­ლი­სი­სა და ის­რა­ე­ლის სი­ლი­კონ ვა­დის პარტნი­ო­რო­ბის ფარგლებ­ში გაიხსნა. გლო­ბა­ლუ­რი სტარ­ტა­პ ­ფონ­დის მი­ზა­ნი სა­ქარ­თველოს სა­მე­წარ­მეო ეკო­სის­ტე­მის ფორ­მუ­ლი­რე­ბის პრო­ცე­სის მხარ­და­ჭე­რა, მა­ღალ­ტექ­ნო­ლო­გი­უ­რი, ინო­ვა­ცი­უ­რი სტარ­ტა­პე­ბის აღ­მო­ჩე­ნა და მათი სა­ერ­თა­შო­რი­სო ბა­ზარ­ზე კო­მერ­ცი­ა­ლი­ზა­ცი­ის ხელ­შე­წყო­ბაა.

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Create your business plan in half the time with twice the impact using Entrepreneur's BIZ PLANNING PLUS powered by LivePlan. Try risk free for 60 days.

Latest on Entrepreneur