რედო - შანსი ახალი ცხოვრების დასაწყებად

„რედო" არის ერთი დიდი ოჯახი და სივრცე თვითრეალიზებისთვის
რედო - შანსი ახალი ცხოვრების დასაწყებად
ფოტო: Entrepreneur
2 min read

You're reading Entrepreneur Georgia, an international franchise of Entrepreneur Media.

სოციალური საწარმოების რიცხვს, რომლებიც მოწყვლადი ჯგუფების საზოგადოებაში რეინტეგრაციასა და მათ სრულფასოვან რეალიზებას უჭერს მხარს, ცოტა ხნის წინ „რედო“ შეემატა. საწარმო 2019 წელს გურიაში დაარსდა და მის მისიას კანონთან კონფლიქტში მყოფი პირების რეინტეგრაცია და საზოგადოებაში რესოციალიზაცია წარმოადგენს. ასევე, იმ სტიგმის დანგრევა, რომელიც ამ პიროვნებების მიმართ არსებობს და მათ საკუთარი შესაძლებლობების რეალიზებაში ხელს უშლის. 

„რედოს“ დამფუძნებლები, ცოლ-ქმარი − ხათუნა ცერცვაძე და ცოტნე საჯაია არიან. ხათუნა Entrepreneur-თან საუბრისას საწარმოს დაარსების პირველ მოტივაციას იხსენებს: 

„საწარმო „რედოს“ დაარსების იდეა გაჩნდა მაშინ, როდესაც სასჯელაღსრულების დაწესებულებაში დავიწერეთ ჯვარი. ამ ადამიანების მხარდაჭერის სურვილმაც იმ დღიდან აიღო სათავე. ჩვენთვის პრიორიტეტად იქცა მათი ცხოვრების შეცვლა უკეთესობისაკენ. რთულია ცხოვრების დაწყება სასჯელაღსრულების დატოვების შემდეგ და დაბრუნება იმ საზოგადეობაში, სადაც შენი არ სჯერათ. ამიტომ გვჭირდება ჩვენ ერთმანეთი, რომ შევძლოთ და გზა გავუკვალოთ ერთმანეთს. სწორედ ამიტომ შევქმენით სოციალური საწარმო და დავარქვით საწარმოს „რედო“, რაც ნიშნავს ხელახლა დაწყებას. ჩვენ გვაქვს შანსი, რომ ადამიანებს გადავცეთ ანთებული ჩირაღდანი, რომელიც ცხოვრების ახალ გზას გაუნათებს“. 

 „რედოში“ უკვე ექვსი ადამიანია დასაქმებული. ისინი ეზოს მოსაპირკეთებელი დეკორატიული ფილების წარმოებაში არიან ჩართულნი. ამჟამად სოციალური საწარმო 12 სახის პროდუქტს აწარმოებს. ამ ტიპის საწარმო გურიის რეგიონში ჯერჯერობით ერთადერთია. აქ დასაქმებული ადამიანები უპირველესად გუნდური მუშაობის გამოცდილებას იღებენ, რის შემდეგაც ადვილად იმკვიდრებენ თავს საზოგადოებაში. ისინი საწარმოს განვითარების ყველა ეტაპსა და პროცესში არიან უშუალოდ ჩართული, ეს კი მათ სამუშაო მოტივაციას ერთიორად ზრდის.

„რედო“ არის ერთი დიდი ოჯახი და სივრცე თვითრეალიზებისთვის. 

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Starting, buying, or growing your small business shouldn’t be hard. Guidant Financial works to make financing easy for current and aspiring small business owners by providing custom funding solutions, financing education, and more.

Latest on Entrepreneur