ვლადიმერ ზელენსკი ტიმ კუკს შეხვდა და უკრაინაში Apple-ის წარმომადგენლობის გაფართოება შესთავაზა "უკრაინა უკვე არის გლობალური IT ცენტრი"
By Aleksandre Siradze •
You're reading Entrepreneur Georgia, an international franchise of Entrepreneur Media.
უკრაინის პრეზიდენტმა ვლადიმერ ზელენსკიმ, Apple-ის აღმასრულებელ დირექტორთან ტიმ კუკთან შეხვედრის შემდეგ განაცხადა, რომ მისი ქვეყანა, როგორც გლობალური IT ცენტრი, დაინტერესებულია ამერიკული კომპანიის წარმომადგენლობის გაფართოებით. შეგახსენებთ, Apple-ის ოფიციალური წარმომადგენლობა უკრაინაში, ცოტა ხნის წინ, 2021 წლის ივნისში გაიხსნა.
"მოხარული ვარ ტიმ კუკთან შეხვედრით. იგი მართავს კომპანიას, რომელიც შთაგონების წყაროა ციფრული სამყაროს მხარდამჭერთათვის.
უკრაინა ასევე უკვე არის გლობალური IT ცენტრი.
ჩვენ დაინტერესებულნი ვართ უკრაინაში Apple-ის წარმომადგენლობის გაფართოებით და ახალი ამბიციური ერთობლივი პროექტების განხორციელებით." - განაცხადა ზელენსკიმ.
ზელენსკიმ სან-ფრანცისკოში შეხვედრებისას,ასევე განაცხადა რომ უკრაინაში ციფრული სექტორის ინვესტორებისთვის მაქსიმალურად ხელსაყრელი საკანონმდებლო ბაზა შეიქმნება.
